主页 > P派生活 >【自助餐放蛇起底组】$128 中环茶记放题 鸡髀什扒任食

【自助餐放蛇起底组】$128 中环茶记放题 鸡髀什扒任食

作者: 时间:2020-06-13 652° P派生活
放题 其实无罪!只要食几多才叫几多,便不会浪费。最近上环有间新茶记都捞埋 放题,大人$128,八岁以下小朋友就$68,1.5小时任锯 铁板 牛扒,捞丁、焗饭、中式点心、蒸饭任食,仲有任饮啤酒咖啡奶茶,食物仲标榜唔落味精,用本地靓料居多,咁好唔好食?睇完试食报告,你就知!

超过30款任食选择

餐牌数埋数埋,唔计饮品,总共有超过30款,西式有齐意粉、焗饭、铁板 扒、沙律;中式则有点心、盅饭等。但係餐牌上仲有少少规则须要留意,例如每位客人一次只可柯打三款食物,饮品则不限,另外为了避免浪费,客人需要吃完一轮食物,才可柯打第二轮。所以限时90分钟,其实不算太多,要好好把握!

【自助餐放蛇起底组】$128 中环茶记放题 鸡髀什扒任食
餐厅尝试营造老香港怀旧茶室风格,贴满五、六十年代的广告海报,又放了旧茶罐、收音机作装饰。
【自助餐放蛇起底组】$128 中环茶记放题 鸡髀什扒任食
饮品除了一般咖啡奶茶,仲有菠萝冰、红豆冰等各款特饮。可能因为餐厅邻近 兰桂坊,甚至连蓝冰啤酒、智利葡萄酒都有得你拣,等一众蒲精可以边饮边食打个底!

前菜小食!首选点心

食放题冇理由,一开波就食粉麵饭,好在餐厅小食选择颇多,有鸡翼、牛腩、点心、油菜,甚至西多士。笔者食过之后,觉得最有水準都是点心,每一款都是新鲜蒸製,用料和味道都拍得住大酒楼和市面上的某些点心连锁店,茶记有此质素,好难得!

【自助餐放蛇起底组】$128 中环茶记放题 鸡髀什扒任食
太鹹! 原汁清汤腩 牛腩用的是雪藏牛肋条,不过食落尚算炆得透,肉质唔会好柴,不过汤汁就似乎唔係牛腩「原汁」, 味道太鹹,饮落有涸喉感觉。
【自助餐放蛇起底组】$128 中环茶记放题 鸡髀什扒任食
手造!中式点心

烧卖、虾饺、牛肉、叉烧包等基本款式都齐。笔者试了山竹牛肉和鹌鹑蛋烧卖;牛肉形状唔会圆碌碌似牛丸,应该是厨房自己造,食落肉质软嫩,亦加了芫荽、马蹄,不错!至于,唔係周围有得食的鹌鹑蛋烧卖,就有虾、有肥猪肉,加埋原粒鹌鹑蛋,虽然胆固醇超标,不过食落确係甘香丰腴,让人食不停口!

【自助餐放蛇起底组】$128 中环茶记放题 鸡髀什扒任食
自家製蛋挞 除咗烧卖等甜点之外,餐厅竟然还做了一些蛋挞仔,虽然不是新鲜出炉,热度温吞,不过酥皮挞底带麵粉、牛油香,蛋浆食落亦算奶滑,几好几好!

 

好食还好食 主菜太大份

食完小食,轮到主菜,餐厅上主菜大部份都是粉麵饭为主,由一般西式焗饭意粉,到中式盅饭、海南鸡饭都应有尽有,其中最吸引人的莫过于铁板扒餐,每份都是用热辣辣,吱吱声的铁板上,回本必试!

【自助餐放蛇起底组】$128 中环茶记放题 鸡髀什扒任食
坚大份!大厨什扒餐

哇!真係好丰富!估唔到任食什扒都咁足料,有齐厨师肠、薄牛扒、猪扒、鸡扒、薯菜,虽然都是大路茶餐厅货色,但是件件都好大块,鸡扒连皮、猪扒有骨,配着黑椒汁食,亦冇雪味,过得去啦!

【自助餐放蛇起底组】$128 中环茶记放题 鸡髀什扒任食
必食! 鸡髀头抽捞丁

餐牌上面有大路野,亦都有特别的怀旧菜,好似这个 鸡髀 头抽捞丁,餐厅不惜工本用本地九龙酱园出品,比市面上同类出品贵同靓,连陆羽此等高级酒楼都用,手掌咁大,又厚肉的 鸡髀 ,腌得全只黑漆漆,有光泽,食落又甜甜地,唔会太鹹;丁麵除咗用头抽捞,食得出仲落咗葱油,加上又煮得够爽,可以Encore!

【自助餐放蛇起底组】$128 中环茶记放题 鸡髀什扒任食
荣华腊肠蒸鸡饭

除咗港式西餐之外,主菜都有盅饭等中式选择。饭盅设计亦相当贴心,有上下两层,上层是係餸,下层係饭。蒸煮时上层的肉汁精华会从特製的小气孔滴落到下层的 蒸饭中。比起传统的盅饭更为整洁,唔会令饭粒过鹹。另外,餸菜其实都几靓,好似腊肠用的是元朗自设大工场的荣华腊肠,食落甘香,宁舍不同!

不过,主菜略嫌真係太大份,而且唔可以减份量,我同摄记食左三个主菜,真係唔洗再食其他嘢!好彩笔者试食当天冇食晏,仲可以食返个甜品翻本!

甜品选择偏少

老实讲,甜品就选择唔多,得双球雪糕及是日中式糖水。不过,你去茶记都唔会期望将甜品当饭食吧?

【自助餐放蛇起底组】$128 中环茶记放题 鸡髀什扒任食
芋头西米露 有惊喜!西米露里面好多芋头粒、芋头蓉,饮落味道浓郁,而且新鲜热辣,天气冻冰冰,紧係饮啲热嘢先走。
【自助餐放蛇起底组】$128 中环茶记放题 鸡髀什扒任食
孖宝雪糕 雪糕好怀旧,装在船形碟上,有云尼拿与朱古力两种味道,都是大路货式,朱古力混有朱古力碎,比死甜的云尼拿更有层次。

 

总结:

笔者本来对茶记放题,冇咩期望,点知感觉其实几OK!每人$128,兼无加一,其实今时今日去咩翠X、太X要食餐饱饭,要有齐前菜、主菜、甜品,埋单都唔止呢个价,加上餐厅仲要任食任饮。食物质素亦好唔错,尤其是头抽 鸡髀 捞丁、点心、蒸饭等中式出品,都算係平实好味的心机作。唯一问题是主菜实在太过大份,每人叫一份都已经半饱,好似想尽快塞饱你咁,试唔到太多款!不过整体而言,其实都值7分,行开行埋可以一试啦!

总分: 7/10分

 

香江冰室

地址: 中环 荷李活道15号地下 (显示地图)

营业时间: 星期一至日8am–12mn

放题时段:6pm-7:30pm; 7:45pm-9:15pm;9:30pm-11pm

放题收费: 成人$128/位 8岁以下小童: $68/位

查询: 2806 0220

备注: 收信用卡,不收加一

 

延伸阅读:

圣诞平食自助餐!$400有找宵夜Buffet

马六甲西米食谱@JACKY YU

上一篇:
下一篇: